Elkarteko bazkideei, eta bazkide ez diren herritar guztiei luzatu diete deia, etorkizuneko erronkei buruz hausnartzeko eta "elkarlanean elkarteari eusteko" helburuarekin.
Zuzendaritza berria datorren urtean sartuko litzateke, eta egungo zuzendaritzako kideek berriei laguntzeko prestutasuna azaldu dute, Elkarteak herrian mendizaletasunaren zentzu zabala hedatzen jarraitu dezan.
1.800 bazkide inguru ditu Besaidek eta Mendizale Elkarte erreferenteetako bat da Euskal Herrian. Hainbat mendi irteera antolatzen dituzte, Pirinioetara eta Europako Pikoetara esaterako.
Eskiatzera antolatu izan dituzten irteerek ere arrakasta handia izan ohi dute. Azken urteetan, berriz, herri bideen berreskurapenean ere ari dira lanean.
Besaidek urtean zehar antolatzen dituen jardunaldien barruan, bihar, abenduak 19, hitzaldia emango dute Pinudien krisiaren inguruan Arrasateko Kulturaten 18:30etan.