Kirolaren balioen aldeko aldarria Arrasaten, 'haka' baten bidez

Kirolaren benetako balioez gozatzeko aldarria egin zuten hainbat neska-mutilek zapatu eguerdian Arrasateko Biteri plazan. Eee!ntzun deritzon ekimenaren lehen geldialdia izan zen Arrasatekoa eta bertan Imanol Agirretxe eta Xabi Prieto futbol jokalari ohiak; Maialen Axpe eta Malen Ruiz de Azua atletak eta kirol diputatu Denis Itxaso eta Arrasateko alkate Maria Ubarretxena egon ziren.

Ehunka neska mutikok bat egin zuten haka dantza eginez. Kirolean eta bereziki eskola kirolean biolentziaren inguruko kontzientzia piztea da helburua, gehienetan harmailetan sortzen dena guraso eta ikusleen partetik. Eta, horren aurrean, "nahikoa da" esan dute. Kirola, batez ere gaztetxoenetan, gozatzeko dela azpimarratu nahi izan dute eta mezu garbia helarazi diete; haka dantzatu dute hori bultzatzeko, erritual modura.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.