Sare Arrasatek prentsaurrekoa egin zuen atzo arratsaldean, urriaren 20an Donostian egingo den manifestaziora arrasatearrak gonbidatzeko asmoz. Ines Osinaga eta John Anduezak hartu zuten hitza eta egoera berri bat eraikitzeko, herritarren bultzada beharrezkoa dela gogorarazi zuten. Horrez gain, manifestaziora joateko autobusak antolatuko dituztela eta txartelak Irati tabernan erosi ahal izango direla adierazi zuten.
ETAren disoluzioarekin batera, garai berri bat ireki da eta aspaldidanik bakerantz eta elkarbizitzarantz eramango duen aldaketa baten zain daude. Horretarako, argi dute indarrean dagoen espetxe politika aldatu behar dela, giza eskubideak urratzen ari direlako eta presoen senideak sufrimendua jasaten jarraitzen dutelako. Dena den, aldaketa bat badago, ekintzak beharrezkoak direla uste dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.