goiena.eus

Aurreikuspenen arabera, 2021eko udan martxan egongo da Kulturola

  Kultura  Arrasate ALBISTEAK

"Geldiezina da". Hitz horiek izan ditu Arrasateko Udaleko hirigintza zinegotzi Ibon Arrupek Kulturola proiektuaren inguruan. Obraren lanen esleipenerako pleguak atera dira dagoeneko eta orain lehiaketa publikoa abiatu dute; aurrekontu osoa da sei milioi euro eta erdi ingurukoa, BEZ barne. 2021eko uda parterako Kulturola martxan egotea aurreikusten du Udal Gobernuak.

Herriko 18 kultura talde batuko dira Kulturolan eta Udal Gobernuak 18 talde horien jarrera txalotu du. "Oso positiboki baloratzen dugu kultura taldeek erakutsi duten jarrera. Zoriontzekoa da eragileek izan dute jarrera eraikitzailea", dio Arrupek.

Adostasun politikoa

Era berean, Arrupek proiektuak lortu duen adostasun politikoa nabarmendu du –Baleike izan zen osoko bilkuran abstenitu zen talde bakarra– eta baita aurrekontuaren zati handiena Udalak aurreztuta duela ere: "Kulturola geldiezina da".

Sinergiak aprobetxatu

Udal euskaltegi berriak azalera handia hartuko du eta gainerako taldeak dira dagoneko Zerrajerako eraikinean daudenak batzuk eta herriko beste gune batzuetan banatuta daudenak beste batzuk. Izan ere, talde horien guztien arteko sinergiak aprobetxatzea ere bada egitasmoaren helburu nagusietako bat.

Jarraian, Kulturolak izango dituen solairu bakoitzean joango dira kultura talde eta eragileak:

Beheko solairuan:

Lehen solairuan:

Bigarren solairuan:

 

Erantzunak

Erantzuna | #1

Udalak dirua aurreztuta duela esaten duzue. Gure dirua dela ahazten duzue. Gure inpuestoetatik zenbat diru gastatu behar da edifizio hau eta ondokoa konpontzen? Bitartean herriko kaleak eta azerak zikin eta apurtuta daude, guztien dirua guztientzat gastatu behar da. Ez zuen lagunentzat bakarrik. Herria horrela dagoen bitartean gaizki iruditzen zait obrak handietan pastoi hauek gastatzea. Haur parkeak berriak egiten ere ez dakit zenbat diru gastatzen ari zareten, ikusten dut zuen semeengan bakarrik pentsatzen duzuela. Eta ikusten dut arazo laboralak daudela Udaletxeko zaintzaileekin adibidez. Dirua badago, ala ezdago?

Erantzuna | #2

Zorionak Arrasateko Udala, bazan garaia!

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa