Ford Mugarri Arrasatek aise irabazi dio gaur eguerdian Donibaneri. Lehenengo zatian arrasatearrak makal samar ibili dira defentsan, baina bigarren zatia hastearekin batera aldea hartu dute markagailuan: "Irabazi beharra zegoen, baina ez da nahikoa, orain datoz partidu garrantzitsuak", adierazi du kategorian debuta egin duen Aitor Ruiz de Austri gazteak.
Eta hain zuzen, lider dagoen Basauriren bisita izango dute arrasatearrek, ostera ere Iturripen. Hala, liga amaitzeko bost jardunaldi geratzen dira, eta orain datoz ligako oilarren arteko partiduak. Izan ere, Basauriren kontrako partidu erakargarriarekin batera, apirila hasieran Fagor Industrial talde oñatiarrarekin batera derbia jokatuko dute. Bost partidu geratzen dira Lauko Finalerako, eta bost onenen artean egon gura dute denek.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
