Hautsak arrotu ditu Ikasle Abertzaleek deituta, gaur –eguena–, Arrasateko kaleetan eginiko manifestazio nazionalak. Bada, ehunka ikasle bildu dira, Greba eskubidea orain! Arizmendi bete zure hitza lelopean; Euskal Herriko leku askotako jendeak esku hartu du hitzorduan. Hala, Arizmendiko Ikasle Abertzaleek eskerrak eman dizkiete bertaraturikoei, eta, protesta bukaeran, eskaera gutun bat utzi dute ikastolako Gaztelupe gunean –zuzendariari eman gura zioten eskura, baina ez da inor azaldu gutuna jasotzera–.
Oihartzuna izan du manifestazioak, asteon protesta moduaren aurka azaldu baitira zenbait erakunde eta alderdi politiko –Arrasateko EH Bildu, Leintz Bailarako Sortu eta LAB, tartean–. Eta, era berean, horren kontra egin dute Arizmendiko zenbait ikasle ordezkarik, zuzendaritzak eta Ikastolen Elkarteak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
