Iraila ezkero entrenatzen ibili ostean, iritsi da denboraldiari ekiteko garaia. Esan bezala, eskolarteko amateur mailako lehen fasea izango da biharkoa, eta Arrasate Dragoi Gimnasia Taldeko 24 ordezkari izango dira lehian, infantil, kadete eta gazte mailetakoak. Edurne Elkoro entrenatzaileak adierazi duenez, "gogotsu" daude denboraldiari ekiteko, bai gimnastak, baita entrenatzaileak ere. "Denbora dezente daramagu entrenatzen eta hasteko gogoz gaude", adierazi du.
135 gimnasta
Guztira, 135 gimnasta ariko dira taldean aurten, bost entrenatzaileren laguntzarekin: Arantzazu Zubia, Elena Lanuza, Miren Beagado, Olatz Fernandez eta Edurne Elkoro. Azken horrek adierazi du "penaz" daudela. Izan ere, "eskaera handia da, eta ez dago guztientzako lekurik". Asko dira, eta talde ezberdinetan banatzen dituzte entrenatzeko. Institutuan eta Uarkapen entrenatzen dira, astelehenetan, eguaztenetan eta egubakoitzetan.
Hemen hainbat talde:
