Otalora Lizentziatutik abiatu dute uhinetako autobusaren ibilbidea kale horretarako aparkalekuei buruz berbetan hasita. Garagartzako industria guneraino gerturatu dira garai bateko Fagor-Garagartza lantegira, aldez aurretik Iturripe frontoian geldiunea eginda.
Zerrajera gunerako bidea hartu dute gero, Kulturola eta Juan Arzamendi Musika Etxerako aurten dituzten Udal Gobernuak dituen asmoei buruz hitz egiteko, baina aldez aurretik, San Andres auzoan geldiune labur bat egin dute Araba Etorbidean dagoen radarrari keinua eginda.
Musakolaraino ere gerturatu dira eta han kiroldegi berri bat egiteko proiektua lantzen hasi direla kontatu du alkateak. Ezin baina, gaur, 107.7ko autobusa gura beste tokietan geratu, eta auzoetara hurbildu barik, Monterronen amaitu dute alkatearekin ibilaldia Etxezarreta eremuari buruz borobilduz solasaldia.
