Iturripe kiroldegia Arrasateko saskibaloi jokalari gazteen bilgune izan da gaur, eguena, beste behin. Benjaminetatik hasi eta alebinetara arteko -2006, 2007, 2008 eta 2009 urteetan jaiotakoak- 90 neska-mutikok parte hartu dute Ointxek antolatutako hirunako saskibaloi txapelketan, 22 taldetan banatuta.
Goizean jokatu da txapelketa eta pozik azaldu dira antolatzaileak emaitzarekin: "Sekulako hotza pasa dugu, baina ondo joan da dena: saskibaloian jokatzera etorri direnen lagun eta senitartekoak tarteko, dezente jende batu da harmailetan; eta boluntario kopuru polita izan dugu, klubeko talde nagusiagokoetako 15 bat lagun etorri dira laguntzera".
Pozik, beraz, goizak emandakoarekin, eta pozik batez ere saskibaloirako zaletasuna badagoelako Arrasaten: "Nesken artean baino mutilen artean gehiago, baina zaletasuna badago, gero eta gehiago".
Parte-hartzea sustatzea izan du helburu txapelketak eta, horregatik, parte-hartzaile guztiek jaso dute saria: txapelketa babesten duen Laboral Kutxaren kantinplora.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
