Eguenetik domekara bitartean jokatuko da Nazioarteko Arrasate Hiria akordeoi lehiaketa

Antolatzaileek jakinarazi dute hamabost lagun lehiatuko direla lehiaketa nagusian, tartean hiru euskal herritar. Gainerako ekintzetan 350 akordeoilari izango dira. Sona handiko lehiaketa da eta aurten 25. urteurrena betetzen du. Disko berezia ere kaleratu dute. 

Mundu mailako akordeoilariak elkartuko ditu aurten ere Arrasate Hiria akordeoi lehiaketak, bai lehiakide moduan bai epaimahaikide moduan. Lehiaketa nagusian hamabost akordeoilarik hartuko dute parte. Lehenengo aldiz, gainera, hiru parte-hartzaile euskal herritarrak izango direla adierazi dute antolatzaileek. Gainerakoen jatorria Bielorrusia, Serbia, Errusia, Finlandia, Eslovenia, Eslovakia, Polonia, Frantzia, eta Txina dira.

Gipuzkoako lehiaketa eta jaialdia

Lehenengo mailako lehiaketarekin batera Gipuzkoako Akordeoi Lehiaketa eta Gipuzkoako Akordeoi Jaialdia ere hartuko ditu Arrasate Hiriak. Hala, adin eta maila askotariko 350 akordeoilari elkartuko ditu. Akordeoi jaialdia ez da lehiaketa eta 300 akordeoilarik eman dute izena. Gipuzkoako lehiaketak, berriz, 27 lehiakide izango ditu

Kontzertuak, emanaldi bereziak, master class saioak… ekintza asko hartuko ditu bere baitan Arrasate Hiriak. Esaterako, iazko txapeldun Jianan Tianek emango duen kontzertu berezia edo Fredrich Lips akordeoilari errusiarrak emango dituen master classeak.

Disko berezia ere kaleratu dute 25. urteurrena ospatzeko. Lehiaketako antolatzaile nagusia den Hauspoz elkarteak bultzatuta, Arrasateko lehiaketan saritutako Maria Zubimendiren, Ander Telleriaren eta Olga Morralen akordeoi doinuak entzun daitezke bertan.

Erlazionatuak

Aitor Furundarena: "Aurten Euskal Herriko hiru ordezkari izango dira Nazioarteko Arrasate Hiria lehiaketan"

Arrasate

Akordeoiaren hiriburua bihurtuko da Arrasate datozen egunetan: 25. Nazioarteko lehiaketa, 38. Gipuzkoako lehiaketa eta 30.Gipuzkoako Jaialdia eging...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.