Atzo gauez auzoko lokal bateko kristala apurtu eta lapurretan egiteagatik izan dira atxilotuak 23 eta 45 urteko gizonezkoak. Lapurtutako ondasunak Zigorrolako garaje batean gordetzen ari zirela harrapatu zituzten Ertzaintzako kideek, eta gaur bertan pasako dira epailearen aurretik.
Lokaleko kide batek jakinarazi duenez, telebista bat, ordenagailuarentzako monitore bat, anplifikagailu bat eta 30 euro eskudirutan izan da lapurrek eramatea lortu dutena. "Harri batekin apurtu dute lokaleko atea, eta lapurreta egin ostean atze aldeko leihotik irten ziren" adierazi du lokaleko kideak.
Zaratak entzun bezain pronto eman zuen abisua inguruko bizilagun batek, eta handik gutxira bertaratu ziren ertzainak eta udaltzainak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
