Istripu ikusgarria gertatu da Arrasateko Otalora kalean, 18:30ak aldera. Auto batek kontrola galdu du eta Taupa taberna aurrealdeko espaloira igo da. Ez du inor harrapatu. Hormigoizko banku publiko bat aurretik eroan ostean, autoak etxearen zutabe bat jo du eta bertan geratu da. Autoan zihoazen bi lagunek -80 bat urteko senar-emazte mondragoetarra- ez dute aparteko zauririk izan, baina anbulantzian artatu eta ospitalera eroan dituzte.
Ez da bestelako zauriturik izan. Jose Luis Etxeberria Porru Arrasateko Udaleko babes zibileko arduradunak Goienari adierazi dio istripuaren arrazoiak ikertzen dabiltzala. Gidariak autoaren kontrola galdu izanaren arrazoia izan daiteke, nahi barik, azeleragailua sakatu izana. Pintxo-pote eguna izanik, kalea eta espaloia jendez beteta zeuden ordu horretan. Lekukoak izua gainetik kendu ezinda zeuden.
San Frantziskoko biribilari buelta emanda, autoak kontrako noranzkoko erreia gurutzatu, espaloira igo eta eserlekua aurretik eroan ostean zutabe baten kontra jo du, baina ez du ez oinezkorik harrapatu ezta ondoko tabernetako kanpoaldean zegoen inor ere. Zutabean utzita zegoen bizikleta bat harrapatu du.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
