Etxe baten sartzen ahalegintzeagatik pertsona bat atxilotu dute Arrasaten

Miren Arregi Amasorrain 2016ko aza. 21a, 13:55

Arrasateko Ferrerias kaleko 36 zenbakiko etxebizitza baten sartzen ahalegintzeagatik emakumezko bat atxilo eraman du Ertzaintzak eguerdian. Herritar baten deia jaso du udaltzaingoak, esanez, pertsona bat etxebizitza baten sartzen ahalegintzen ari zela. Hain zuzen ere, Ertzaintzak adierazitakoaren arabera, atxilotutako emakumea "etxebizitza baten sartzen ahalegindu da, baimen barik".

Emandako xehetasunen arabera atxilotutakoak sarrailagile bati deitu dio etxeko giltzak etxean ahaztu dituela eta sarraila aldatzeko eskatuz. Horrela sartu omen da etxebizitza barrura. Hasierako zantzuak kontuan hartuta, helburua, ez zen lapurretan egitea. Bergarako epaitegira eraman dute deklarazioa hartzera.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak