Aurretik hainbat indusketa
Santa Barbarako lehen aztarna mihaketa 1987. urtean egin zuten. Urte batzuk geroago, gazteluaren aurreneko aztarnak agertu ziren, eta 1993an, berriz, gaztelu guztia eta bere dorre batzuk. Gauza gehiago sakondu nahian azken urteetan indusketa gehienak parkeko beheko inguruetan egin dira.
Indusketen arduraduna den Mertxe Urteaga arkeologoak gaztelua Erdi arokoa dela pentsatzen du. Orain, beste pauso bat eman nahian, gazteluaren mende konkretua jakin nahi dute.
Bide onetik
Momentuz programan aurreikusitakoa biltzen ari dira. Fundazio irundarreko kideek ongi ezagutzen dute Goikobalu, eta zuzenean jo dute horma izan zenaren ondoko guneak aztertzera. Hala ere, geraten diren gaztelu arrastoak erabat hondatuta daudela ikusi dute.
Proiektua epe luzekoa izaten ari da, eta oraingo indusketarekin, duela lau urte hasitako faseari amaiera eman nahi diote. Hurrengo pausoa jasotako informazioa kaleratzea izango da. Arkeologia taldeak indusketa astelehenean hasi zuen arren, ez dira asko izango bertan jardungo duten egunak.