Mundukidek martxan daukan Mozambike programaren baitako hitzaldia izan zen. Batetik, Mozambikeko egoera hobeto ulertzeko, han bertan nekazaritza eredu hau proposatzen duen UNAC mugimenduko kide den Ana Paula Tauacalek eman zuen hitzaldia. Bestetik, orain dela gutxi sortu den Baserria XXI elkarteko bi kidek ere euren esperientzia partekatu zuten.
Ana Paula Tauacale, UNAC Mozambikeko nekazari elkarteko nazionaleko kidea: "Nekazariek beraiek sortu zuten elkartea, leku guztietan beraien burua aurkeztu ahal izateko, nekazarien eskubideak defenditzeko. UNACek borroka handiak ditu, adibidez, nekazarien baliabide naturalen defentsan edo emakume eta gazteak erabaki guneetan indartzen, haien lidergoak indartzen. Momentu honetan hona etorri naiz “esperientzia truke” bat egiteko, emakume nekazariekin, hirietako eta nekazal eremuetako emakumeekin. Mozambikeko historiaz hitz egin nahi dut, hemengo jendeak jakin dezan nola bizi diren bertako emakume nekazariak, emakumeen egoera zein den… Gaur egun, Mozambiken emakumeen gaia lantzen duten erakundeak badaude eta UNAC-ek berak ere generoaren gaia lantzeko barne taldeak sortu ditu. Talde hauek emakume nekazari guztien interesak maila nazionalean defenditzen ditu. Azken finean denek parte hartu dezagun gizarte zibilaren eskubideen defentsan".
