Euskal industria izan zuten bai Arantxa Tapia sailburuak eta baita Iñigo Urkullu lehendakarigaiak hizpide. "Kalitatezko enplegua sortzea eta bultzatzea da gure erronka eta helburua. Euskal ekonomia %25era iristea da gura dugu. Gure enpresa lehiakorrenak hemen geratzea gura dugu", azpimarratu zuen Urkulluk.
Joseba Egibarrek, Gipuzkoako hautagai nagusiak, Ezker abertzalearen aldebikotasunaz berba egin zuen eta, ETA eta Estatua aurrez aurre jarri izana leporatu zien. "Ezker abertzalea da alde bakarreko estrategiaz berba egin, baina bikoa erabiltzen duena. Ezker abertzalea da ETA eta Estatua aurrez aurre jartzen duena-eta. Herrigintzan esperientzia zabala dugu; pausoz pauso Euskal nazioaren egitura egin nahi dugu eta egiten ari gara".
