Gaur egungo 600 euroko gutxieneko pentsioek ez dituzte bizi baldintza duinak bermatzen, Marian Esnaolaren arabera, eta EAJri "aberatsen alde bakarrik" egotea leporatu dio.
EH Bilduren ordezkariak gogorarazi du bere alderdiak lege proposamena aurkeztu zuela Legebiltzarrean 1.080 euroko pentsioak eskatuaz, eta Esnaolak gogorarazi du atzera bota zitzaiela.
Hortaz, esan du EH Bilduren alde bozkatzea dela "jendea horrenbeste arduratzen duen" gai honi irtenbidea emateko modua. Esan du gainontzeko alderdi gehienek "gainetik" soilik jorratzen dutela pentsioen gaia, eta, aldiz, EH Bilduk bere programan "proposamen zehatzak" dakartzala.
