Ander Murillo 20 urteko gazte arrasatearrak argi zuen ikasketak eta bere zaletasun nagusia zen tenisa aldi berean landu nahi zituela. Hemen horretarako aukerarik ez zuela ikusita, Estatu Batuetara joateko ideia garatzen hasi zen.
Ez zen lan erraza izan University of Columbia District unibertsitatean postua lortzea, baina azkenean lortu zuen. Bertan enpresa zuzendaritza eta finantza ikasketak egiten ditu, baina aldi berean tenisa praktikatzeko aukera eskaintzen dio unibertsitateak. Estatu Batuetan ohikoa da unibertsitateak ikasketak kirola uztartzeko aukera ematea.
Jada ikasketen bigarren urtea burutu du. Akademikoki emaitza oso ona pilatzen ari dela aitortu du, eta tenis mailan asko ikasten ari dela gaineratu du. Tenisa bizitzeko hango eta hemengo moduak konparatzerakoan honako ezberdintasuna nabarmendu du Murillok.
"Diferentzia handiena da hemen zuk bakarrik jokatzen duzula. Zu zoaz txapelketara, zuk gidatzen duzu, zuk bakarrik jaten duzu eta zure munduan ari zara denbora guztian. Han beti zaude taldekideekin, bakarka edo binaka jokatu dezakezu, baina talde bateko partaide zara".
Etorkizunean Amerikan edo Europan zehar lan egitea gustatuko litzaioke, baina beti ere tenisean egiteko aukerarekin.
