Esklerosi anizkoitza dutenendako laguntza batzen ibili dira Arrasaten

Busti zaitez kanpainaren bidez, esklerosi anizkoitza aditzera eman eta gaixotasun neurologiko eta sendaezin hau jasaten duten pertsonei eskaintzen zaien birgaitze zerbitzua finantzatzeko dirua lortzen ibili dira Arrasaten.

Arrasateko Toki Argi erretiratu etxeko 15 bat boluntario ibili dira egun osoan Musakolako igerilekuaren aurrean esklerosi anizkoitzaren inguruko informazioa banatzen eta ikerketarako dirua batzen.

Gainera, nahi zuenak, esklerosi anizkoitzaren alde kontzientziatzeko igeri egin ahal izan, igerilekuko kale berezi baten. Ondoren igeritako metroak modu sinbolikoan zenbatu dituzte. Ondoren, igerilariek diploma bana jaso dute.

Aurten, berritasun moduan, Katuki Saguyaki arropa marka nafarrak ateratako kamisetak eta bestelako materiala saltzen ere ibili dira boluntarioak.

Emilio Hermida boluntarioak azaldu duenez, "eguraldi onarekin jendea animatu egin da, eta beste gutxienez iaz bezalako laguntza bera batu dugu azkenean. Jendeak laguntzen du, sentsibilizatuta dago eta gaia ondo ezagutzen dute. Horregatik eskerrak eman behar zaizkie.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.