Bizitzeko Herria proiektuaren barruan, ikasleek askotariko eskaerak egin dituzte. Horietako batzuk, oso zehatzak; Biteri plaza jolaserako aitortzea, kasu. Beste eskaera eta proposamen batzuk orokorragoak izan dira: berdegune eta zuhaitz gehiago, kotxeen sarrera mugatzea plaza batzuetan (Alfontso X jakintsua eta Munarreko plaza, esaterako), zinema emanaldi gehiago antolatzea gazteentzat, leku estali gehiago ume eta gaztetxoak egoteko...
Laguntzeko gertu
Laguntza emateko prest agertu dira: "Arrasate herri atsegina da jadanik, baina konturatu gara gauza asko daudela hobetzeko. Hurrengo urteetan gure lanarekin jarraituko dugu, eta foro honetara gure ekarpen txikiak ekartzen", adierazi du, amaitzeko, Galder Otxoa ikasleak.
Hauteskundeetako zozketa
Ekainaren 26ko hauteskunde-mahaietarako zozketa egin zuten, programa informatiko baten bidez. Hauteskunde mahaian egotea tokatu zaionari gutun bidez jakinaraziko zaio datozen egunotan.