Debagoienean bizi diren sahararrek aldarrikapen ekitaldia egin zuten zapatuan Arrasateko Biteri plazan: "Sahararron borroka ezin dugu ahanzturan utzi. Independentziaren bidez Saharar Errepublika librea izan arte borrokan jarraituko dugu", esan zuen Debagoieneko sahararren elkarteko presidente Saleh Salek-ek.
Presoen askatasuna eta desagertuen errekonozimendua ere eskatu dute: "Marokok okupatutako lurraldeetan dauden preso politiko guztien askatzea eskatzen dugu. 600 bat desagertu daude eta duela gutxi zenbait ekintzaile sahararri heriotza zigorra aplikatu zaie, estatu sahararra aldarrikatzeagatik. Munduari esan nahi diogu 40 urte direla, 40 urteko ahanztura".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.