Arrasaten kontratazio behatokia egiteko eskaera egin du Irabazi koalizioak

Udalak azpi-kontratatuta dituen zerbitzuek udal izaera izan dezaten proposamena aurkeztu du erregistroan. Behatokian parte hartuko lukete zerbitzu bakoitzarekin zerikusia duten eragileetako ordezkariak.

Egun, Arrasateko Udalak, azpi-kontratatutako 28 zerbitzu ditu. Horiek ordaintzeko aurrekontua 9,5 milioi euro dira eta guztira 237 langilek dihardute lanean zerbitzu horietan. Udalak zerbitzuen deialdia egin eta kontratatuko duen enpresa aukeratzen du. Azken horrek, beharrezko langileak hartzen ditu. Enpresa horrek langileekin dituen hartu-emanak nolakoak diren edo enpresa horrek ematen duen zerbitzua egokia den edo ez, ez da Udalaren erantzukizuna. Hala jasotzen da kontratu batzuetako klausulatan.

Langileen baldintzak egokiak  direla eta ematen den zerbitzua kalitatezkoa dela bermatzeko eskatu du Irabazi koalizioak kontratazio behatokia.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.