Euri zaparrada handiak, haize zakarra eta hotz egin zuen atzo, otsailak 27, ondorioz, Ibai-Arteko kideek ezin izan zuten behar bezalako Merke Merkaua egin. Biteri plazan, esaterako, ezin izan zuten posturik jarri haizeak bota egin zizkielako karpak. Hala ere, herritarrak mauken bila ibili zirela jakinarazi dute.
"Herritarrek badakite produktu onak prezio ezin hobean topatzen direla Merke Merkauan eta jendea ibili da horien bila, batez ere goiz partean", adierazi du Yolanda Sanchezek, Sikol lentzeria dendako jabeak. Hala ere, onartu du batukadak eta erraldoien eta kilikien konpartsak ezin izan zituztela girotu kaleak.
Dendari bakoitzak ahal bezala moldatu behar izan zuen; batzuek, espaloira atera zituzten produktuak eta beste batzuek, parez pare zabaldu zituzten dendako ateak herritarrak barrura gonbidatzeko. Izan ere, atzo barruan egoteko eguraldia egin zuen.
