Jokin Urain liburuaren koordinatzaileak eta Igor Letona Arrasateko preso ohiak gidatu zuten aurkezpena. Liburu “berezia, bakuna eta ezohikoa” dela nabarmendu zuen Urainek, adierazi zuenez, isilarazien testigantza intimoak jasotzen dituelako, horien aurpegiak erakutsiz eta bakoitzari merezi duen lekua eskainiz. Aurkezpenean, zenbait preso eta erbesteratuen testigantzen erakutsi zituzten bideoen bidez eta kartzela ezagutu duten Arrasateko preso ohi batzuk barruan bizitzako esperientziak ere kontatu zituzten, tartean Xabier Urizar Gautxori-k, Ino Galparsorok eta Letonak berak. Ametsen liburua Astero argitaletxeko bulegoetan, 944 23 72 73 telefono zenbakian edota interneten dago salgai, besteak beste.