Istiluak gauerdirako hamar minutu falta zirela gertatu dira. Hainbat bizilagun izan dira ertzainak abisatu dituztenak, Olarte kalean borroka bat zegoela eta borrokan ari zenetakoren batek objektu zorrotz bat zeramala esanaz. Ertzaintza gerturatu denerako, anbulantzia buruan zauriak zituen pertsona bat artatzen ari zen.
Ertzainak inguruko lokal baten aurkitu dituzte gero atxilotu dituzten bi gazteak, 22 eta 24 urtekoak. Eurek zuten borrokan ustez erabili den bihurkin edo destornilladorea, eta lesio delituen ustezko egile izateagatik atxilotu dituzte.
Ertzaintzatik jakinarazi dutenez, antza denez bi atxilotuak taberna baten sartu nahi zuten, baina tabernatik irteteko esan diete, aurretik beste istilu batzuetan parte hartu izanagatik. Orduan hasi da borroka eta orduan zauritu dute hirugarren pertsona. Azken hau osasun zentrora eroan behar izan dute.
BI atxilotuak Ertzaintzaren polizia-etxera eraman dituzte.
