Musakolako erabiltzaileen eta bazkideen kopuruak gora egin du

2015eko urtarrileko eta 2016ko urtarrileko datuak alderatu dituzte balorazioa egiterako orduan.  Horiek aintzat hartuta, hainbat  datu azpimarratu dituzte: 810 pertsonak hartu dute parte ikastaroetan, iaz baino 250 pertsona gehiago daude izenpetuta eta, guztira, 4.950 bezero ditu.

2015/2016 ikasturtean askotariko ikastaroak ipini dituzte martxan. Horietako bi berriak: krosfit eta matrogym. Azke  hori, haurdun dauden emakumeendako urtean egiten den gimnasia ikastaroa da. Baina, arrakastatsuenak urterokoak dira.

Debagoieneko Kirol Txartela kendu egin dute Arrasateko kirol zerbitzuetan. Hainbat herritan abonu aldaketak egon dira eta veste herriek duten irizpideari eutsiz, Arrasaten erroldatuta ez daudenek %20 gehiago ordaindu beharko dute.

Bestalde, hobariak ere mantenduko dituzte ikasle arrasatearrendako eta diru sarrera baxuak dituzten herritarrendako.

Aurrera begirakoak

Azken 12 hilabeteetako balorazioa ona den arren, aurrera begira, kirol zerbitzuen eta instalazioen kalitatea hobetzea izango da Udalaren helburu nagusia. Hori lortzeko hausnarketa prozesua abiarazi dute jada.

Urte berriarekin batera hilabeterako abonua sortu dute maiatzera arte eta ohiko erabiltzaileek kirol aholkulari baten zerbitzuak jasotzeko aukera izango dute, doan, kiroldegiko gimnasioan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.