Kurtzetxikin zuhaitzak landatzeko girorik ez zen goizean eta gutxi batzuk joan dira hara. Baserritarren azokarekin batera egin den zuhaitz feriara, ostera, herritar asko hurreratu da landareak erostera. Eta Zuhaitz Eguna bukatzeko pago gorria landatu dute Udal ordezkariek, Arrasate pasealekuan.
Gereziondoak, sagarrondoak, aranondoak, limoiondoak… fruta-arbolek sortu dute ikusmina Seber Altuben egin den zuhaitz ferian. Sei mintegi elkartu dira han eta eskaintza zabala izan dute hurreratu direnek. Oraintxe da zuhaitzak eta landareak landatzeko garaia, eta gehiegi itxaron gabe erabaki dute inguruko baserritarrek eta zaleek landareak erostea.
Hilabeteko hirugarren zapatuko baserritarren azokarekin bat egin du feriak eta eguraldiak lagundu ez arren herritar mordoa elkartu da han, beste behin, bertako eta garaiko generorik onena lortzeko asmoarekin.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
