'Bakea eta elkarbizitza' lelopean, elkarretaratzea egin dute Arrasaten

Parisko atentatuen harira, elkarretaratzea egin dute eguerdian, Arrasateko Herriko Plazan. Baleikek eta emakume musulmanak Euskadin integratzeko elkarteak (IMME) dinamizatu dute kontzentrazioa eta deialdiarekin bat egin dute Maria Ubarretxena alkateak; ordezkari sozialistek; Elkarhezitzen taldeak eta herriko beste hainbat eragilek; eta askotariko gizon-emakumeek: bertakoek nahiz marokoarrek, sahararrek edota pakistandarrek.

Udaletxe aurrean batu dira, biribilean jarrita, hizkuntza ezberdinetan Bakea hitza irakur zitekeen karteltxoak eskuetan; eta Gerrarik ez zioten beste batzuk ere erakutsi dituzte. Elkarretaratze laburra eta isila izan da, bakearen eta elkarbizitzaren alde eta hilketa eta gerra guztien kontra daudela adierazteko.

Bukaeran, talde argazkia atera dute, udaletxe aurrean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.