Onddoak, gibelurdinak, pago-zizak eta beste perretxiko mordoa erakutsi dituzte

Egubakoitzean Urkiola aldean jasotako perretxikoak erakutsi dituzte Arizmendi ikastolako ikasleek gaur eguerdian, Herriko Plazan. Tomas Zubillaga adituak azalpenak eman dizkie eta epaile lanak ere egin ditu. Aurtengo udazkenean ez dagoela perretxiko gehiegi Euskal Herrian esan du, baina neska-mutikoek mordoa ekarri dituzte.

23. Perretxiko Eguna egin du Arizmendi ikastolak, eta beste behin plaza bete egin da ikasleekin, gurasoekin eta ikusmin handiarekin hurreratu diren herritarrekin. "Eguraldia lagun giro bikaina dugu eta oso pozik gaude", esan du Ane Miren Guemes irakasleak.

DBHko lehenengo mailako ikasleek jaso zituzten perretxikoak hereinegun eta txukun-txukun jarrita erakutsi dituzte horiek gaur. Tomas Zubillaga adituak banan-banan begiratu ditu guztiak, eta puntuak eman dizkie jasotakoaren arabera. Azalpenak ere ez dira falta izan: "Honi errotaria esaten diote irin bustiaren usaina duelako", esan die: "Eta honekin kontuz. Hau da Paxillus involutus. Hilgarria. Zelan dakigun? Labana azpialdetik pasatuz gero burdin kolorea duelako".

Batxilergoko ikasleek, gainera, perretxiko pintxoak eskaini dizkiete hurreratutakoei. 

Erlazionatuak

23. Perretxiko Eguna

Arrasate

Urkiola inguruan jasotako perretxiko mordoa erakutsi dituzte Arizmendi ikastolako 12 urteko ikasleek Herriko Plazan. Onddoak, gibelurdinak, elur-bo...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.