IK4 Ikerlanek Arrasaten duen egoitzan izan dira Markel Olano diputatu nagusia eta Ainhoa Aizpuru Ekonomia Sustapena, Landa Ingurunea eta Lurralde Orekako diputatua. Zentroa bisitatu ondoren, enpresako zuzendaritzarekin batzarra izan dute IK4-Ikerlanen esperientzia ezagutzeko eta diputaziotik babesa eskaintzeko asmoarekin.
Gainera, Gipuzkoako Diputatu Nagusiak datorren hilabetean susperraldi ekonomikorako plana aurkeztuko dutela aurreratu du, eta horretarako IK4-Ikerlan bezalako enpresekin ideiak eta esperientziak kontrastatzea ezinbestekoa dela azpimarratu du.
Iñaki Aranburu IK4 Ikerlaneko presidenteak, bestalde, ezagutza eta garapen helburuetan Gipuzkoako Diputazioarekin eta Eusko Jaurlaritzarekin guztiz lerrokatuta daudela gogoratu du.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.