Murugaineko indusketetan parte hartzera gonbidatu dituzte herritarrak

Josu Bilbao 2015ko ira. 30a, 16:21

Auzolanean parte hartzeko gonbitea zabaldu dute Arrasateko eta Aramaioko Udalek, Ondare Babesa enpresako arkeologoekin batera. Aurten, urrian egingo dira Murugaineko indusketetako auzolaneko lanak, eta hilaren 25ean bisita gidatua egingo dute, Burdin Aroko eta Guda Zibileko ondarea gertutik ezagutzeko.

Urriaren 5etik 23ra bitartean egingo dira indusketa lanak Murgaineko lau gunetan. Bi gune Arrasate aldera ematen duen mendi magalean izango dira, beste bat Aramaio aldera izango da, eta azkena Aretxabaleta eta Aramaio aldeko iazko gune bera. Urriaren 17a eta 24 auzolanerako egunak izango dira, eta 25ean bisita gidatu bat egongo da.

Maria Ubarretxena Arrasateko alkateak herritarrak auzolanean parte hartzera animatu nahi izan ditu, eta Lierni Altuna Aramaioko alkateak, bestalde, ondareei begira bi Udalen arteko elkarlana goraipatu nahi izan du, prentsaurrekoan.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak