Ekainaren 17an EH Bilduk izan zuen herri batzarrean hartu zuten erabakia Eneko Barberenak prentsaurrekoan azaldu duen arabera. EH Bilduren ustez, "EAJk ez du orain arte udal programarik aurkeztu, neurri zehatz batzuetatik harago" eta horren faltan ezin du akordiorik gauzatu.
Gainera, "erabakitzeko eskubidean, Udalaren gardentasunean, herriaren parte hartzean eta krisiaren kontrako neurrietan elkarlana" eskaintzen dio EAJri eta beste edozein alderdiri.
Bestalde, EH Bildu beldur da "EAJ-PSE akordio orokorrak erabakitzeko eskubidearen gaia lantzeko orduan suposa dezakeen atzerapausoaz".
Bukatzeko, EH Bilduk hauteskundeetan "emaitza txarrak" izan dituela onartzen du: "Gehiengo osoz gobernatzetik bigarren indar izatera pasa gara, bost zinegotziren galeraz, eta mandatu hori entzutearen poderioz EH Bildu oposizioaren buru izatea da emaitzen interpretazioan lehen ondorioa".
