Arrasateko Lore Gazteak eta Txikitxu-Arrostaitz dantza taldeek antolatuta, Haur Dantzarien Eguna da gaur Arrasaten. Bederatzi dantza taldetan banatuta, 250 haur baino gehiago ibili dira goizean askotariko euskal dantzekin ikusleak gozarazten.
Lau gune izan dira euskal dantzen topaleku goizean: Arbolapeta, Biteri plaza, Seber Altube plaza eta Herriko plaza.
Arratsalderako ekaitz arriskua dagoen arren, antolatzaileek aurreikusi dute 17:00ak aldera alardearekin eta Oiartzundik zein Markinatik etorritako dantzarien erakustaldia eskaintzea. Eguna borobiltzeko, DJ Amaia Txintxurretak musika jarriko du plazan bertan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.