Denda atzo ireki zuten baina urrutira begirako proiektua dela adierazi dute kontsumo elkarteko kideek. Bailarako ekoizle desberdinen produktuak egoteaz gain, eguneroko otarra osatzeko inguruetatik ekarritako elikagaiak egongo dira denda horretan: arroza, olioa, pasta… Nafarroatik eta Arabatik ekarritakoak dira.
Hori horrela, bertatik bertakoa eta gizartera begirako proiektua izango da. "Nolabait kontsumo ereduak aldatu behar ditugu eta maila lokaleko lanpostuak eta ekonomia bultzatu beharko litzateke" adierazi du Asier Agirrek, Ereindajan kontsumo elkarteko lehendakariak.