Arrasateko Udalak eta euskalgintzako erakundeek bi ideia zabaldu nahi dituzte nagusiki, Eredu izan kanpainaren bitartez: alde batetik, guraso euskaldunen kasuan, euskara transmititzeko modurik errazena, naturalena eta eraginkorrena etxean transmititzea dela; eta bestetik, hausnarketa prozesu bat zabaldu nahi dute, gurasoek kontzientzia har dezaten, umeak ereduak behar dituelako, euskaraz natural egiteko.
Etxerako argazkia
Kanpaina badago hedabideetan eta kalera ere atera dute modu atsegin batean: kale ekintza bat antolatu dute; photocall-a, zehatzago esateko. Bertara gerturatu daitezke familiak eta argazkia atera, etxera eramateko.
Aurreko egubakoitzean egin zuten lehen saioa eta bihar izango da bigarrena: Biteri plazan, 17:30etik 19:00etara.
Beste lau saio ere izango dira:
- Ekainak 19, Herriko Plaza Nagusian.
- Uztailak 3, Seber Altube plazan.
- Uztailak 10, Herriko Plaza Nagusian.
- Uztailak 17, Seber Altube plazan.
Ordutegia: 17:30-19:00.