Arrasateko Gure Esku Dago taldeak antolatuta, Gemma Zabaletak eta Jon Maiak hitzaldia eskaini zuten atzo Kulturateko areto nagusian. PSE-EEko politikari ohi Gemma Zabaletak "oinarrizko balio demokratiko" moduan definitu zuen erabakitzeko eskubidea eta alboratu zuen abertzaleen aldarrikapena izan behar duenik bakarrik.
Gazta Zati Bat dokumentalaren egile Jon Maiak, ordea, adierazi zuen, besteak beste, euskal gizarteak oinarrizko pedagogia behar duela erabakitzeko eskubidearen kontzeptuaren gainean: "Jendeak ez du bereizten, esaterako, erabakitzeko eskubidearen eta independentziaren artean". Antolatzaileek ekainaren 21ean Donostiara joateko deia egin zieten herritarrei.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.