SOS Arrazakeriak aholkularitza eta orientazio zerbitzua eskainiko du gaurtik, eguena, Arrasaten; goizean ireki ditu ateak udaletxeko behe solairuan egokitu duten bulegoak eta astero egongo da zabalik, eguenetan, 10:00etatik 14:00etara. Atzerritarrei eta gutxiengo etniko-kulturaletako pertsonei oinarrizko eskubideak lortzen laguntzea da helburua.
Ia 25 urte daramatza Gipuzkoako SOS Arrazakeriak Donostiako bulegoan informazio zerbitzua ematen, eta zerbitzu hori herrietara zabaltzen ari da orain, Eusko Jaurlaritzak sortutako aholkulari sarearen baitan. Beasain, Zarautz eta Oreretan eskaintzen dute jada zerbitzua eta Arrasate da zerrenda horretan laugarrena. Debagoienean bizi diren atzerritarrei zuzenduta dago.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.