Beste herri batzuetako hautagaiekin egin du agerraldia Javier Oterok Arrasaten. "Gogotsu eta irribartsu". "Aurreko legealdian baino lan hobea egin gura dugu. Udal jardunean presente egon gura dugu. Herritarren ideiak defendatuko ditut eta horien kezkak entzun eta irtenbideak ematen saiatu", esan du aurkezpenean.
18 urte zituenetik lanean dihardu. Donostian bizi da eta han egiten du lan. Hori erronka bat izan daitekeen galdetuta, zera erantzun du: "erronka bat izan daiteke, baina Arrasaten ibilitakoa naiz eta gutxi gora behera ezagutzen du herria. Laguntzeko ez nuke arazorik izango".
Zinegotzia mantendu
Azken agintaldian zinegotzi bakarra izan du alderdi popularrak. Emaitza hori hobetzea zaila izango dela uste du Oterok: "Zinegotzi batekin konformatuko ginateke, baina ahal dugun gehien lortzen ahaleginduko gara".
Alkategaia aurkeztu ostean, Arrasate zerrenda osatzea falta zaio alderdi popularrari.