Udal eta Foru hauteskundeak 2015

Eneko Barberena izango da EH Bilduren Arrasateko alkategaia

Eneko Barberena (Arrasate, 1983) da EH Bildu koalizioaren zerrendaburua. Hala berretsi du herri-batzarrean Arrasateko EH Bilduren herri-batzarrak. 31 urte ditu Barberenak, Zuzenbidean Lizentziaduna da eta gaur egun Txatxilipurdi elkartean zuzendari dihardu. Alkategaia aukeratuta, herri programaren lanketarekin jarraituko du EH Bilduk. Zerrenda osoa eta herri-programa bera "aurrerago" aurkeztuko dituztela adierazi dute koaliziotik.

Koalizioak hauteskundeetarako prestaketan jarraitzen du eta, hain zuzen, asteleheneko azken herri-batzarrean berretsi dute erabakia. Lanean jarraitzen dute, alabaina, batzarretan eta datozen asteetan emango dute landutako herri-programaren berri, hautagaien zerrenda osoarekin batera.

Eneko Barberena euskalgintzan murgildu da azkeneko urteetan: AEDn, Txatxilipurdin... Goienako Errektore Kontseiluko kide da, AEDko ordezkari moduan. Era berean, bloga dauka Goiena.eus-en, Barberenea izenekoa. Eta Puntua aldizkarian ere kolaboratzaile da, iritzi emaile moduan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.