Lapurreta egin eta mezua utzi dute: "Barkatu, behar madarikatua"

Mirari Altube Arrese 2015ko mar. 6a, 13:50

Eguenetik egubakoitzera bitarteko gauean lapurrak ibili dira Arrasateko azoka plazan. Hainbat postutan sartu dira, horien artean Salaberri eta Clari harategietan eta kontserbak eta goxokiak dituen Idu postuan. Diru apur bat eraman dute harategietatik, eta Salaberritik zazpi gazta, txorizoak eta tablet bat ere bai. Iduri, ostera, hainbat kontserba lata hartu dizkiote. Eta mezua utzi dute: Lo siento, puta necesidad.

Gauean ibili dira lapurrak azoka plazan, hara eta hona ibili ei dira, eta ezustekoa hartu dute azoka plazako postuetako saltzaileek. Salaberri harategiko Gorka Aurrekoetxeak umorearekin egin dio aurre lapurretari: "Enbasatutako zazpi gazta eta txorizoak eraman dizkidate, diru apur bat eta tablet bat. Zer egingo diogu ba… Aurrera egin behar". Pertsiana jasota sartu dira postu barruan, baina zorionez ez diote ezer apurtu. Eta harategiko horman mezua utzi diote: Lo siento, puta necesidad. "Nezesidadea, beharra? Ez dakit ba…", dio. Mezuak ikusmina sortu du erosleen artean.

Goizean goiz egon dira bai ertzainekin, bai udaltzainekin, eta salaketa jarri. Segurtasun neurri egokiak daudela uste du Aurrekoetxeak, baina halakoak noizean behin "tokatzen" direla: "Dagoeneko lau aldiz sartu dira gurean, 25 urtean laugarrena".

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak