EAJk antolatuta Arrasateko batzokian egindako hitzaldian Lanbideko buru Adolfo Alustizak azaldu du pobreziaren kontrako tresna dela dirusarrerak bermatzeko errenta. Gasteizko alkate Javier Marotok azken hilabeteotan martxan jarritakoa hauteskundeen testuinguruan boto batzuen truke egindako kanpaina izan dela adierazi du, eta gezurtatu egin ditu esan izan diren gauzak, jendea erkidegora gizarte laguntzetatik bizitzera etortzen dela, adibidez.
Martxan jarritako kanpaina onartezina dela adierazi du Alustizak, eta oso kaltegarria eta arriskutsua, jendea aurrez aurre jartzen duelako. Gidatu duenak gainera kanpaina gezurretan oinarritutakoa izan dela badakiela esan du Lanbideko zuzendariak.
Orain arte gaiaren gainean zegoen adostasuna hautsiz Javier Marotok gidatuta egindako kanpainari eman zaion erantzuna oso positiboa izan dela ere adierazi du Alustizak.
