Egubakoitzean inauguratu zuen Euskal Herrian Euskaraz taldeak Jai Zale taberna.
Zela sortu zen taberna irekitzearen ideia?
I.T.: Aspalditik datorren kontua da. Euskalgintzak taberna baten falta sumatu izan du ekintzak antolatzerako orduan. Abenduan aukera azaldu zitzaigun eta salto egin dugu.
Poteorako gunea baino gehiago izango da?
I.A.: Bai, hainbat funtzio izango ditu tabernak. Horien artean dago poteoa, baina planteatzen duguna da egitarau bat antolatzea, euskalgintzako jendearen bilgune edo topaleku izan dadin.
Zer motatako egitaraua?
I.T.: Momentuz bi kontu antolatu ditugu: inaugurazio egunean Txorbela otxoteak abestu zuen eta zapatuan The Convicts taldeak eskaini zuen kontzertua. Kultura batzordea sortu dugu eta asmoa da hilean behin zerbait prestatzea: antzerkiak, hitzaldiak, kontzertuak...
Zein eragilerekin zabiltzate harremanetan?
I.A.: Oraindik martxan jartzeko dago, baina Aed-rekin eta Zahar Berrirekin ekintzak antolatzea aurreikusten da. Hala ere, elkarlana ez da euskalgintzako erakundeetara mugatuko; ateak zabalik ditugu.
Zein izango da funtzionamendua?
M.U.: Astean zehar 11:00etan zabalduko dugu eta 23:00etan itxi. Egubakoitzean pixka bat beranduago itxiko dugu eta zapatuetan parrandarako aukera izango da. Domeketan ere zabalik egongo da. Bestalde, eguenetan pintxo-pote eskainiko dugu.
A.G.: Aipatu baita, bertako produktuen aldeko apustua egin dugula. Hala, ZerB eskaintzen dugu, adibidez. Jakietan ere bertako ekoizleen aldeko apustua egin nahiko genuke.
