Udal eta Foru hauteskundeak 2015

Orain arteko herri programaren lanketa aurkezteko saioa egingo du zapatuan Arrasateko EH Bilduk herritarrekin

10:00etan hasiko da saioa, eta Kulturateko areto nagusian izango da. Herrikideen ikuspegi, planteamendu eta ekarpenak jaso gura dituzte, eta arrasatear guztiei egin diete bertara joateko deia.

Saioa iragartzeko egindako agerraldian azaldu dutenez, azken hilabeteotan Arrasatek datozen urteotarako dituen erronka ezberdinak aztertzen aritu dira arloz-arlo eta herritarrekin osatutako taldeetan.

Orain artekoa talde txikiagoetan egin ostean,  adierazi dute aurrerantzean gainontzeko herritarren ikuspegi, planteamendu eta ekarpenak jaso gura dituztela EH Bilduren datozen lau urtetarako herri programa garatu eta osatzeko. 

"Arrasate, eten barik eta detereminazioz eraikitzen jarraitu nahi dugu", adierazi dute prentsaurrekoan, eta gaineratu: "Arrasatear guztion eskubideak bermatuko dituena, berdintasuna helburu izango duena, euskalduna eta anitza, kalitatezko zerbitzu publikoduna, demokrazia oinarrizko ardatza izango duena, integratzailea eta herritarren parte-hartzea sustatuko duena izateko".

 

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.