Iragana astintzera dator Arrasate Zientzia Elkartea hirugarren urtez

Arrasate Zientzia Elkarteak hirugarren urtez antolatu du Arrasateko Iragana Astintzen hitzaldi zikloa: "Gutxi gara eta xumea da gure lana. Eta lehen zikloa antolatu genuenean eta saio guztietan aretoa lepo beteta ikusi, beldurtu ere egin ginen. Ez dakigu zehazki zergatik, baina izugarria izan da orain arteko hitzaldiek izan duten harrera", adierazi du AZEko kide Xabier Bengoak. Lehen saioa azaroaren 18an izango da (Kulturate, 19:00); Julian Sagasta organo-jole ospetsua izango du berbagai Jose Antonio Azpiazu antropologoak eta Xabier Ugartek Sagastaren pieza batzuk joko ditu gitarrarekin. 

Hitzaldi guztiek ordu eta laurden inguru iraungo dute; hona hemen saio horien deialdia:  

Azaroak 18, Kulturate (19:00)

Izenburua: Julian Sagasta, Erromako organo-jole mondragoetarraren gaineko hitzaldi musikatua

Hizlaria: Jose Antonio Azpiazu, Antropologia eta Historian doktorea eta Xabier Ugarte, musikologoa eta gitarra-jolea. 

Euskaraz eta gazteleraz

Azaroak 25, Kulturate (19:00) 

Izenburua: Deituren sorreraz 

Hizlaria: Mikel Gorrotxategi, euskal filologian lizentziatua eta Euskaltzaindiako Onomastika Batzordeko idazkaria 

Euskaraz eta gazteleraz

Abenduak 10, Kulturate (19:00) 

Izenburua: Gipuzkoako udaletxe barrokoak. Arrasateko udaletxea

Hizlaria: Sebastian Agirretxe, Industria-ingeniaria 

Gazteleraz

Abenduak 17, Kulturate (19:00) 

Izenburua: Euskal labea metalurgiaren historian: Arrasateko eredua

Hizlaria: Xabier Orue-Etxebarria, zientzia geologikoetan doktorea  

Gazteleraz

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.