Arrasateko Txatxilipurdi elkartea ere 20. urteurrena ospatzen ari da eta tailerrak, akrobaziak eta ipuin kontaketa ibiltaria egin zuten egubakoitzean. Arratsalde partean egin zituzten tailerrak baina ekitaldi nagusia iluntzean iritsi zen, iluntasunak harrapatu zituenean herriko bazterrak; kalean barrena ipuinak kontatzen aritu ziren. (ARGAZKIAK)
Txalapartarien doinuek egin zieten ongietorria elkartutakoei, eta amandrearen ipuinak guztiak lotu zituen. Hasi plazan hasi zen ekitaldia, baina herriko txoko ezberdinetara jo zuten musikarien gidaritzapean. Han eta hemen, ipuinaren hariari jarraika ibili ondoren, plazara itzuli ziren guztiak eta soketatik zintzilik zeuden akrobaten lanarekin bukatu zen saioa.
Hogei urte egin ditu Txatxilipurdi elkarteak eta horixe ospatzen dabil azken asteotan. Ospakizun horien barruan sartu dute Gau-Eguna.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
