Arrasateko Gizarte Zerbitzuetako bulego berriak zabalik, bihartik

Udal ordezkariak, langileak eta herritarrak batu dira gaur goizean Txaeta 3 helbideko Gizarte Zerbitzuetako bulego berrian, haren inaugurazio ekitaldian. Bihar hasiko dira bulego berrietan zerbitzua ematen, betiko ordutegian: goizeko bederatzietatik, arratsaldeko hiruretara.

450 metro koadro erabilgarri ditu egoitzak; hamar bulego, bi bilera gela, harrera, itxarongela eta komunak. Instalazio berriek zerbitzua hobetzea ekarriko dute, besteak beste, "kalitatea hobetuko delako": "Hurbileko zerbitzua izateaz gain herritarren pribatutasuna bermatuko dugu", dio Amaia Larrañagak, Ongizate zinegotziak.

Hamahiru langile ditu Ongizate zerbitzuak eta egoera desberdinetan dauden herritarrei eskaintzen die laguntza; zailtasun ekonomikoak dituztenei, menpekotasuna eta ezgaitasuna dutenei, adin txikikoei, drogomenpekotasun arazoak dituztenei, etorkinei eta abar.

Udaleko Gizarte Zerbitzutik adierazi dute euren helburua, elkartasuna ardatz, jendarte justu eta solidarioa eraikitzea dela eta horregatik, gizartean gertatzen ari diren aldaketei aurre egitea dela lehentasuna.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.