Hiru asteburu barru helduko da Bizipozaren jaia Arrasatera, irailaren 21ean, eta dagoeneko motorrak berotzen dihardute. Gaur Porrotx eta Ane Pirata Arrasaten izan dira jaiaren nondik norakoak azaltzen eta hainbat neska-mutikok eurekin argazkiak ateratzeko aukera ez dute galdu.
Irailaren 21ean, domekan, goizeko 10:00etan hasi eta arratsaldeko 18:00ak arte Irrien Lagunak gizartegintzak Arrasateko Udalarekin, herriko hainbat elkarterekin eta Goiena Komunikazio Taldearekin elkarlanean antolatutako jaia ospatuko da. Gune nagusia Biteri plazan egongo da, eta bertan pailazoak, tailerrak, magia, abesbatzak eta beste hainbat ikuskizun egongo dira. Gune nagusirako sarrerak salgai daude dagoeneko Elkar dendatan. Biteri plazaz gain ordea, beste hiru gune egongo dira, Azoka plaza, Seber Altube plaza eta Jokin Zaitegi plaza.
Irrien Lagunak gizartegintzakoek antolaturiko ekintzez gain, Arrasateko hainbat elkarteek ere lagunduko dute, adibidez gaztetxekoek serigrafia tailerra antolatuko dute eta norberak bere kamisetak eramateko deia zabaldu dute, bertan serigrafiak egin al izateko. Txatxilipurdik ere zeresan handia izan du Bizipozaren jaia antolatzerako orduan eta 20 urte betetzen dituela aprobetxatuz, zorion beroa eskaini die Porrotxek, tartean aurkezpenean egon den Eguzkilaruri.
Egitaraua
BITERI PLAZA:
10:00etan Gunearen irekiera
10:30ean Harrera Instituzionala
11:00etan Abesbatza
12:00etan Pirritx, Porrotx eta Marimotots
15:00etan Karaokea
16:00etan Apar Festa (Jokin Zaitegi Plazan)
17:00etan Ane eta piratekin parrandan
ELKARTEEN EGITARAUA
10:00tatik 12:00etara Kirol egokituak eta txakur erakustaldia (Gipuzkoako Kirol
Egokituen Federazioa eta Aurrera Atera elkartea)
15:00etatik 16:00etara Kaxoi tailerra (Kale dor Kayiko elkartea)
16:00etatik 17:00etara Txakur erakustaldia (Bocalan Biak Bat elkartea)
- Goizean zehar:
Erraldoi eta kilikien konpartsa herritik zehar
Dantzariak herritik zehar
- Egun osoa zehar:
Serigrafia (Arrasateko Gaztetxea)
Hazi Landaketa (Ereindajan elkartea)
Ludoketa txokoa (Txatxilipurdi)
Eskulanak (Txatxilipurdi)
Aurpegi margoketa (Txatxilipurdi)
Berramesten Tailerra (ordua zehazteke) Txatxilipurdi