Aldarrikapen ozenez hasi dute ikasturtea Ordaindukoek

Ordaindu plataformako kideek gogor ekin diote ikasturteari. Beren helburuak lortzeko bidean, Mondragon Korporazioarekin hitzordua finkatzea dute hurrengo jomuga, eta haiekin negoziaketak hastea. Hori lortzeko, ekintzaz betetako ikasturte hasiera prestatu dute. Besteak beste, datorren astelehenean hasita, kanpaldia egingo dute, eta bertan ahalik eta kaltetu gehien biltzeko asmoa dute. Mikel Olabe Ordainduko kideak azaldu duenez, Bizkaiko Eskuratu plataformarekin batera antolatu dituzte datorren asteko ekintzak.

Astelehenean, prentsaurrekoarekin emango diote hasiera kanpaldiari Arima Zurin, goizeko 11:00etan. Oondoren, MCCra martxa egingo dute, bertako arduradunei plataformaren aldarrikapenak helarazi eta negoziaziorako hitzordua eskatzeko. Hortik aurrera, ekintza gehiago ere izango dira, datorren astean eta hurrengoan zehar banatuta. Olabek gaineratu du badutela esperantza aurrera pausoak emateko, izan ere "kooperatibismo etiko batek ezin du bere gain halako iruzurra mantendu eta kooperatibismo sozialaren aldeko apustua egin nahi badute, gurekin duten arazoa konpondu beharko dute", azaldu du.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.