Donostiako orfeoia dator irailaren 20an Arrasatera, Goikobaluren 25. urteurrena dela-eta

Arrasateko Goikobalu abesbatzaren 25. urteurreneko ekitaldien barruan, Donostiako orfeoiak kontzertua eskainiko du hilaren 20an Amaia antzokian (20:00). Sarrerak salgai daude dagoeneko Interneten eta Amaia antzokiko leihatilan irailaren 11n, 12an eta 13an jarriko dituzte salgai 18 eurotan, 18:30etik 20:00etara.

Donostiako orfeoiaren eta Goikobaluren arteko harremana estua da aspalditik eta horren adierazle da, besteak beste, hilaren 20an eskainiko duten kontzertua. Goikobaluko zuzendari Iñaki Maidaganek azaldu duenez, ez da kontzertu sinfonikoa izango: "Piano-joleak etorriko dira eta hainbat motatako abestiak joko dituzte. Kontzertu ederra eta berezia izango da".

Azaroaren 15ean, Carmina Burana

Horrez gain, azaroaren 15erako beste ekitaldi berezi bat antolatu dute abesbatzakoek. Egungo kideekin eta 25 urteotan parte hartu izan dutenekin Carmina Burana obra interpretatuko dute Amaia antzokian. Koroko kide ohiei gonbidapenak bidali dizkiete eta orain horien erantzunaren zain daude.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.