Zapatuan ospatu zituzten Arrasateko Zarugalde kaleko jaiak bertako auzotarrek eta kanpotik etorritakoek. Antolatzaileek haur zein helduentzako ekintzak bildu dituzte aurten ere egitarauan: goizeko hamabietan, txupinarekin eta haurrentzako jolasekin hasi zuten eguna, eta jai girorik ez zen falta izan triki-bertso poteoan. [ARGAZKIAK]
Ondoren, eguerdian, pintxoak banatu zituzten tabernetan eta jende ugari bildu zen jan edanaren inguruan. Arratsaldean, mus txapelketa eta bonba japoniarrak izan ziren, besteak beste eta, kale afariaren ostean, suzko zezenak eman zion amaiera egitarauari. Egun bakarreko jai motz baina bizi biziak, beraz, Zarugaldekoak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.